1998

Fasnacht 1998


Sujet: Seesch au dopplet?
hett d’Natur dr Mensch geboore.
die ganzi Wält zem Untertan.
will är gscheiter sy als d’Natur
und isch a Schluss doch sälber bschisse.
Lueg, das isch sehr gly umrisse.
syg’s mit sällem z’Rom, däm Obergloon
Au bi de Schwoobe, dr bruun Dölfi
hett no dra glaubt bis kurz vor Zwölfi
är kenn die ideali Menscherasse,
wo uff die ganzi Wält wurd basse.
So maint dr Mensch was är macht isch rächt
und alles anderi sygi schlächt.
Nur är isch guet, rundum perfeggt,
au wenn är zmittst im Schyssdrägg steggt.
So duet me nonem Ideal begeehre
und wenn me’s hett, will me’s vermeehre.
schweert me uff d’rationelli Produggtion.
muess me ha grad dausigfach.
Auti produziert me grad in Masse
wie Leffel, Gleeser, Kaffidasse
alles muess me mutlipliziere,
vervielfältige und kopiere.
Zem Vyspiil git’s doch au so Wichte,
wo no Schema Diirli zichte.
Nur s’Ideal isch do begäährt,
anderes vo minderem Wärt.
Die scheenschte Dier eb Hind, eb Katze
bewärtet me no Fäll und Datze.
E Jury duet iiber Pryyse richte,
was duurekhejt duet me vernichte.
Kai Tabu isch do me hailig,
denn bim kloone hett me’s ailig.
Aafooh duet me mit Scheef und Kieh,
speeter wott me’s wyterzieh
und kloont in ere Karaffe
justamänd no Menscheaffe.
S’gooht nimme lang, no wird’s ganz wild,
me kloont sogar Ey Eebebild.
S’gitt no viel uff däre Aerde,
wo no keenti kloont wärde.
Em Vischer isch’s zem Byyspiil nit zem Spasse,
Styyrgäld kloone wurd ihm basse.
Und d’SP frogt sich bym Vroni,
ob sich derte s’kloone lohni?
In dr Wirtschaft haltet me nit vom kloone,
dert praggdiziert me gärn Fusione.
Dert macht s’Strääbe no nem Optimum
Ryychi ryych und Army stumm.
In was fir e Gsellschaft dien mir lääbe?
Wo aane firt das ganzi strääbe?
Wänn mir wirgglig als wie meh
in d’Natur go yygriffe neh?
Wänn mir nit ändlig gscheiter wärde
und yyseeh, mir sin uff däre Aerde
näbscht de Dyyrli und de Pflanze
nur e glaine Dail vom Ganze?