2002

Fasnacht 2002

Hurra, i gang in d`Schuel
(Aber leider z`Basel)

Als glaine Gnopf do fraisch di druff
ändlig in d`?Schuel derfe z`goo
Rächne, läse, schryybe lèère
Und statt nur Bildli au dr Täggscht verstoo
Voll Erwartig sitzisch jetzt doo
und bisch gspannt was do söll koo
Am, Aafang isches jo no lyycht
Zeichne, loose. e Liedli singe
Doch bald mergsch,
dass de do no mee muessch bringe
Still sitze, lyyslig si. uffpasse was dr Lèèrer sait
au mit dr Freyzytt ischs nim wie friehner
Statt spiile miens jetzt Uffzgi si
„Ohne Fleiss kein Preis“ luttet ab jetzt dis Motto
aber das isch fascht so Schwer wie e Säggser im Lotto
Ob de au flissig bisch das wird sich zaige
Mathe, Dytsch, und no mee
Alles wird testet und au Note gääh

Mainsch?

Friener hesch dr Plausch ka oder au nit
E gueti Note het e Batze gääh
E schlächti e Tatze
Hyt isch alles anderscht
statt Note 1 – 6 heist doo
Guet, gniegend, ungniegend
Wie soll me do dr iberblick bikoo
So duesch di 4 Joor dùùrebisse
Und kunsch den in d`OS

O = ohni
S = Strss

Doch halt, jetzt goohts mit em Stress erscht richtig los
Was bini fir e Schieler
E – Niveau oder G – Niveau, kunsch do no druss?
Wie hämmers do no eifach gha, Sek. Real oder Gymmeli
Das diräggt no dr Primmeli
Au mit em Zyygnis isches e so ne Sach
S`het Note gä in jedem Fach
4er 5er 6er das het e Bhaltis gä
1er 2er 3er hesch fascht Rissus miesse nä
Aber hyt griegsch nachem Semester e Blatt
Wo gschriebe schtot, bisch häll oder matt
No de OS kunsch in d`WBS

W = wärde
B = Basler
S = schlauer

2 Joor lang deusch dert verwyyle
äu do frogsch di kann i im E- Oder G-Niveau blyybe
Näbe Mathe, Dytsch, Franzi wirsch jetzt
au ufs Bruefslääbe vorberaitet
Hesch ändlig frey, muesch lèère lèère lèère
Fir e Verein hesch fascht kai Zyt
Jetzt gits au wider Noote, das isch e Hit
So kömme mir mit em Räscht vo dr Schwyz wider mit
Du lèèrsch aund lèèrsch und lèèrsch
Und kunsch den auss dr Schuel, suechsch
E Lèèrstell, muesch d`Èrfahrig mache,
mit dr DMS, HMS oder em Gymi bisch derby
mit WBS isch vyyles aifach verby
Als Basler Schieler hesch nyt zem lache
I froog mi muess das si
Dass au d`Schuel dr Slogan het

„ Basel tiggt anderscht“