2003

Fasnacht 2003

Und Ziircher brucht`s doch
 

Wenn alls Bebbi an Ziiri dengsch
So kunnt dr allerhand in Sinn
ZH = zwenig Hirni oder was isch
Scheenschte an Ziiri?
Natürlich d`Autobahn uf Basel
Do kennsch e ganze Zeedel mit
So sprich schriebe.
Wie duessch di freie wenn de FCZ oder
GC verliere duet de ZSC me Pück
Alls de Gegner im Kaschte het.
Was wäri de Fussball ohni
De Hit FCB :FCZ / GC
Wie hämmer uns gfreit wo unsre FCB im Cup
Als Sieger vom Platz isch und GC s`nochsee
Kaa het
Doch halt was wär den der FCB ohni Ziircher
Wer hät die Fussballer zem Erfolg gfiert
Durch wer isch Basel in sache Fussball
Nummere 1 in de Schwiz
????????????????
Christian Gross heisst de Maa und das isch
Au wenns e chli weh tuet e Ziircher
Au de Zubi zwor kai Ziircher
Hett bi CC glernt keini Gool z`bikoo
Au Yakin Cantaluppi hänt bi GC Fussball glernt.
Doch net nur im Sport kunnt
Basel ohni Ziirchr uss
Wie simmer Stolz uf unser
Radio Basilik de Sender mit
Em beschte Mix und de gröschte Hits
Doch halt isches no e Basler Sender
Hend net Ziircher de Sender kauft
Au do heisst ohni Ziircher kai
Radio Basilik
Und wäri vor viele Joore net e Ziirchr uf d`Idee koo
Domols als Pirat vomene Italienische Berg
Mit Radio 24 verbotenerwies
Hits in Schwitzer Stube sende
Gebs hyte keini Privatsender
Au Crosser einscht de Basler Stolz
Gits nimme s`heisst jetzt Swiss
Und wird vo Ziircher gfiert
Au unseri Mäss Basel hätt mit Ziiri
E Hochzyt gfirt. Leider isch das fir
Basel kai gueti Sach. Alli guete Mässene
Wärde teilt und mir Basler hend bald kai
Mess me firs normale Volk defirr e Messe-
Turm vo aber au net firs normale Volk isch
Und liebe Bebbi was wäri D`Fasnacht ohni Ziiri
E Schnitzelbank ohni Ziirchervers wär wie
E Suppe ohni Salz
Und ab und zue kemmer als Bebbi au gern uff Ziiri
Ob Lichtatletik oder sechstage Renne uff em Velo
Als Technofreak an Loveparade koo abetanze
Nur eins kasch in Ziiri net und do kunnt D`Schadefreyt
Wot de Ziircher Roulett spiele so kann er das net in Ziiri
aber bi uns am scheene Rhy