2017

      Fasnacht 2017

Sujet: Grampffe bys mr ussem
        Raame falle

Wennde früehner bisch go schaffe,
hescsh zwüscheyne no chönne lache.
Wende in dr hütige Zyt gosch go schaffe,
denn hesch meischtens sicher nüt zum lache

Bim Arbeitsafang wird sowieso nümme grüesst
chunsch emol z`schpot denn wirsch no büesst.
Hüt ha ich s`Gfühl es isch bald zum hüüle,
s`schaffe alli nummeno wäg dr dritte Süüle.

In e paar Joor müen mir no schaffe bis siebzig,
das find ich sicher ganz und gar nit witzig.
Die wo das bestimme schaffe hüt scho nit vill.
und sin im Summer scho am Nomitag am Grill.

Hüt duesch lieber ruehig und ganz still schaffe,
denn dini Arbeitskollege düen uff di ufpasse.
denn denunziere das isch jo an dr Daagesornig,
wenn seisch mitem Chef sig öbis nit in Ornig,
chasch so sicher sy wie s`Amen in dr Kirche,
am nögschte Tag muesch ins Büro krieche.

Bim Heiwäg erwartet di e Stroosestauparade.
Wotsch no schnäll go ychauffe imene Lade.
Vorne an der fahrt sicher no ein ganz langsam,
Im Lade chaufsch denn für berueygig Balsam.

Wennde hei chunsch bisch total uff de Wegge,
noch zäh Minute mues di d`Frau scho wegge.
Sie meint Staubsuuge chönsch du no schnäll.
das isch doch kei Arbeit, gäll Schatz gäll.

D`Wohnig chasch mit eim Lohn nümme zahle,
ziehsch z`Basel us und gohsch uf Wahle.
Dört muesch zum Ychauffe aaber wyter fahre,
denn isch scho nütme mit e bizzli schpare.

Ich weis bigott nit wo das no cha aanefüere
wenns eso wyter goht dueni dr Bätel anerüere.
Sunsch bi ich vor dr Pangsion sicher chrank,
und dr Täscht vo mir ghört au no dr Bangg

Ich ha wirklig gmeint ich sig e Einzelfall,
denn ha ich ghört so gohts hüt jo überall.
Do chame numme no  dangschön saage,
d`Schnure halte und jo nit chlaage.
Denn s`wird sicher nit besser in nögschter Zyt,
und mit chlaage chunsch hüt sowiesoo nit wyt
.